NRK Meny
Normal

Dáhtošedje nuoraid searvat girječállinohppui

Sámegillii galggašedje almmustuvvat eanet girjjjit, muhto eai leat čállit. Danne álggaha Sámi Girječálliid Searvi girječállin-oahppu. Searvvi jođiheaddji Karen Anne Buljo muitala iežaset hástalit nuorra olbmuid searvat ohppui.

Girječálli Karen Anne Buljo
Foto: Anne Olli / NRK

Harald Gaski
Foto: Dan Robert Larsen / NRK

Sámi girječálliid searvi álggaha 2015 dálvvi girječállinoahppu. Áigumuš livččii oažžut eanebuid čálligoahtit sámegillii. Erenoamážit dáhtošii searvi nuorra olbmuid álgit čállinohppui vai boahtteáiggisge boađášedje ođđa girjjit sámegillii. Čállinoahppu lágida girječálliidsearvi ovttas Sámedikkiin.

Girječállinoahppu heivehuvvon sámiide

Samiske bøker
Foto: Eilif Aslaksen / NRK

Girjjálašvuođadutki Harald Gaski, gii ieš bargá Romssa Universitehttas, lohká universitehttas leat girječállinoahppu mii lea heivehuvvon dážáide. Danne lohká leat vuogasin álggahit girječállinoahppu, mii lea heivehuvvon sápmelaš girječálliide.

Čállinoahppu sisdoallu

Sii geat galget čállinohppui beassat, sii galget maiddái sáddet iežaset gárvves mánusa ohcama mielde. Oahppit galget leat ovdalgihtii čállán mánusiid, ja daid vuođul lágiduvvojit logaldallamat.

Dál lea girječállid searvvi duohken virgádit prošeaktabargi dán ohppui. Karen Anne Buljo muitala golbmasa ohcan prošeaktabargin, ja dat gii de virgáduvvo, son dat galgá ohcat logaldalliid, ja muđuige lágidit dili nu ahte čállinoahppu šaddá duohtavuohtan.

Čállinoahppu álggahit guovvamánus.

Henrik Olsen

Sámediggeráđđi Henrik Olsen

Foto: Anne Olli