Cuoŋománu 4. beaivvi sáddejuvvo dán giđa vuosttaš Árdna, ja ovdal geasi oainnát čieža prográmma. Iešguđetlágan guossit ja sámi artisttat hábmejit sáddagiid.
Prográmmajođiheaddji lea Ronald Isaksen Pulk.
Bovdet gehččiid studioi
Muhto Árdna ii bovde dušše gussiid ja artisttaid, dál háliidit gehččiid maid bovdet studioi dalle go prográmmat filbmejuvvojit.
– Šaddá hui ealas go olbmot leat studios gullame ságastallamiid ja artisttaide lea maid suohttaseabbo čuojahit go leat geahččit, dadjá Pulk guhte ieš illuda filbmemiidda.
Vuosttaš prográmmii bovde Árdna Sámi Grand Prix vuitiid. Dasa lassin boahtiba sámi fali guovttos Signe Marie Fidje Store ja Håvard Klemetsen.
Dieđit iežat mielde
Jus don háliidat boahtit geahččat Árdna filbmemiid, de sáhtát dieđihit e-boastta bokte, sapmi@nrk.no
Juohke háve álget filbmemat diibmu 1800 NRK Sámis Kárášjogas.
Dás oainnát artisttaid, geat servet prográmmaide:
30.03: Háldi
06.04: Ágy
13.04: Niillas Holmberg/Ylva
20.04: Cretura
27.04: Irdon
03.05: Elin Kåven
11.05: Ii vuos mearriduvvon
Árdna prográmmat sáddejuvvojit NRK2:žis mannodagaid diibmu 20.55.