Hopp til innhold

Skábman ilbmá sus cd-skearru

Mánnán son lávlugođii, dalle go eatnis dolvvodii su sotnabeaiskuvllas. Doppe sii lávlo, ja lávlu son gal dálge. Skábmamánus ilbmá sus cd-skearru.

Annbjørg Hætta

Annbjørg Hætta

Foto: Kenneth Hætta, Pressefoto

Gula ášši Annbjørg Hættain

Dál lea Annbjørg Hætta lávlun studios gárvásit, ja ii livčče leat earágo gárvvistit cd-skearru. Hætta muitala iežas leat oalle duhtavaš lávlagiiguin maid studios lea lávlun, dál muitala daid leat dušše gárvvistit cd-skerrui.

Lávlagiidda sánit

Son lea ieš čállán muhtin lávlagiidda teavsttaid, muhto leat dás gal teavsttat maid earátge leat čállán. Son muitala teavsttaid leat nuo ja ná čállit. Ovtta lávlagii geavahii son máŋga jagi ovdalgo lei duhtavaš teavsttain. Eará lávlagiidda beare bohtet sánit, dego gahččet sutnje gos nu.

Nuppelotjahkásažžan juo lávddis lávlumin

Vuosttaš geardde go son almmolaččat lávllui lei UKM doaluid oktavuođas. Son lea maid leamaš Haštad gávpogis Davvi Norgga feasttariemuid oktavuođas oahppamin mo lávddis galgá láhttet ja mo jiena galgá geavahit go lávlu. Dáid rávvagiid son dálge muitá ja geavaha.

Lávllui Guovdageainnus

Annbjørg Hætta lávllui mannan lávvardaga Kauto Live riemuin. Doppe besse olbmot gullat oasi dain lávlagiin mat leat su vuosttaš cd-skearrus. Konsearttas loahpahii son lávlagiin "Mun dárbbašan du". Dán leat sus gullan ovdal, muhto dát gullo maiddái ođđa hámis cd-skearrus.

Rieban studios lávlun

Rieban studios Tromssas son lea lávlon, ja buvttadeaddjin leage Bernt Mikkel Haglund. Lávlagat leat dál nu gárvásat ahte daid ii leat eará go gárvvistat cd-skerrui. Ráhkisvuođalávlagat leat eatnašat mat leat dán cd-skearrus.

Korte nyheter

  • Lobiheamet bivdán gonagasreabbáid

    Riddobearráigeahčču lea váidán moaddásiid go leat lobiheamet bivdán reappáid Ruovdevuonas Mátta-Várjjagis. Nu boahtá ovdan maŋŋá go čađahedje bivdobearráigeahčču vuossárgga. Riddobearráigeahčču muitalii ieš áššis Twitteris. Riddobearráigeahčču duoguštii oktiibuot 21 gonagasreabbá bivdosiid ja badjel 700 gonagasreabbá luitojuvvojedje fas merrii.

    Beslaglagt krabbetein i Jarfjorden i Sør-Varanger
    Foto: Kystvakta
  • Ollugat jápmán johtolatlihkuhisvuođain

    Norggas leat 80 olbmo jápmán johtolatlihkuhisvuođain dássážii dán jagi. Dat lea seamma ollu go diibmá obalohkái.

    Dušše miessemánu rájes leat 56 olbmo duššan johtolatlihkuhisvuođain Norggas, čállá VG áviisa.

    2020:s dušše 93 olbmo johtolatlihkkosvuođain Norggas. 2018: ja 2019: dušše fas 108 olbmo.

  • Borramušgálvohattit lassánan eanet go goassige ovdal

    Borramušgálvohattit leat lassánan 10,4 proseantan maŋimuš jagi. Nu čájehit Statistihkalaš guovddášdoaimmahaga logut. Ná olu ii leat lassánan goassige ovdal. Diibmá geavahii njeallje olbmo bearaš badjel 11.000 kruvnna borramuššii mánnosaččat. Dán jagi dát supmi lassána 1000 kruvnnain.