Boazodoallu ášši alimusriektái

Stiertná Boazodolliidášši meannuduvvo dál alimusrievttis. Finnmárkkuopmodat vuittii- meahcceduopmostuolus maŋŋil go Stiertná ovddeš ja dálá boazodoallit gáibidedje oamastanvuoigatvuođaid Stiertná sullos. Duopmu guoddaluvvui go Stiertná orohatolbmot oaivvildedje meahcceduopmostuolus leat boastut meannudan ášši, geavahan boasttu riektegeavahusa ja árvvoštallan duođaštusaid boastut.