Boares gákti šattai partygáktin

Konfirmašuvnnat ja beassážat gullet masá oktii dáppe Sámis.
Olbmot čiŋadit gávttiin, muhtimat várra vel iežaset vuosttaš gávttiin.
Guokte Guovdageainnu nissonolbmo leaba dál ráhkadan ođđamállet biktasa iežaska nuorravuođa gávttis.

– Gákti boktá olu muittuid ja dovdduid ja dál dat ii leat šat dušše čikŋan skáhpas, muitaleaba Karen Inger Anne Proksi ja June Brita Eira.

(Ášši joatkka gova vuolábealde)

Gákti lei baskon

Konfirmašuvnnagákti leai baskon, ja de fuobmáiga dan heivehit ođđa hápmái.
Mihtut leat rievdan dan rájes go leaba leamaš konfirmántan, ja guhká lea leamašan jurdda juoidá konfirmašuvdnagávttiin dahkat.
Bajit oassi lea gorrojuvvon bolero-láhkai.
Sotnabeaivve leai dát ođđahámat bivttas badjelis konfirmašuvnna oktavuodas.

–Ožžon hui ollu iešguđetlágan... dieđus in sáhte lohkat kritihka, muhto olbmot goit gehčče.