Hopp til innhold

Berit Ranveig Nilssen ođđa sátnejođiheaddjin Unjárggas

Unjárgga Oktasašlisttu Berit Ranveig Nilssen šaddá Unjárgga ođđa sátnejođiheaddjin.

Dát čielggai maŋŋá go Unjárgga Sosialistálaš Gurutbellodaga (SG) miellahttočoahkkin mearredii ovttasbargat Oktasašlisttuin dan sadjái go Bargiidbellodagain boahtte válgaáigodaga.

Nu dieđiha SG iežas Facebook siiddus, ja giitá seammás Bargiidbellodaga ovttasbarggu ovddas mii lea leamaš vássán 12 jagi.

Nesseby: Berit Ranveig Nilssen jubler
Foto: Eilif Aslaksen / NRK

Korte nyheter

  • Operasjon Dagsverk til Guatemala

    Årets Operasjon Dagsverk er tildelt Utviklingsfondet som skal støtte urfolksungdom i Guatemala. Målet er å bekjempe sult gjennom klimatilpasning.

    Det er elever i hele Norge som har stemt fram hvilket prosjekt de mener bør få støtte, skriver OD og Utviklingsfondet i en pressemelding.

  • Ohcet Sámedikkis lassidoarjaga ođasmahttimii

    Sámegielbláđi Nuorttanaste jođiheaddjit leat gieskat deaivvadan sámediggeráđiin háleštan dihte bláđi ođasmahttináigumušaid birra.

    – Mii leat digitaliseremen bláđi buvttadeami vai sáhttit bargat seamma lávddiin main mediaásahusat muđuid barget, lohká Nuorttanaste redaktevra, Anne Randi Solbakken.

    Ii leat vuos sáhka dihto ruhtasupmis. Sii leat vuos ožžon dieđuid ortnegiid birra gos sáhttet ohcat lassiruhtadeami maid dárbbašit dása, čilge son.

    – Nuorttanaste ferte ođasmahttit teknologiija vai beassat earret eará podcasta ráhkadit ja ovdamearkka dihte báddet ja buvttadit sálmmaid, lohká Solbakken.

    Sin mihttomearri livčče maid nannet neahttasiiddu, gos olbmot besset lohkat kulturáššiid, giellaáššiid ja dovdduid ja čiekŋalat sámi áššiid birra.

    Nuorttanaste lea maid álgán girjjálašvuođa árvvoštallamiin. Sii árvvoštallet sihke mánáid-, nuoraid ja rávisolbmuid girjjiid, muitala Solbakken.

    Anne Randi Solbakken
    Foto: Monica Falao Pettersen / NRK
  • Erke lea ohcan gielddadirektevravirggi

    Guđas dáhtošedje bargat gielddadirektevran Deanus.

    Okta dain lea Guovddášbellodaga sámediggejoavkku parlamentáralaš jođiheaddji Elisabeth Erke. Son lea maid Deanu musea jođiheaddji.

    Rune Seim, guhte dál doaibmá gielddadirektevran, lea maid ohcan virggi.

    Ávisa ifinnmark dat lea almmuhan ohcciid listtu (dárbbašat čoavddasáni).

    Deanu ovddeš gielddadirektevra, Inger Eline Fjellgren Eriksen heittii 2023:s.

    Elisabeth Erke
    Foto: Dan Robert Larsen / NRK