Hopp til innhold

Rahčet Joddu-guovddáža ruhtademiin

NSR šálloša go Sámediggi ii juollut ruđaid Joddo gealboguovddáža ásaheapmái Detnui.

Trond Are Anti
Foto: Anne Olli / NRK

Norgga Sámiid Riikkasearvi moaitá garrasit go Norgga sámediggeráđđi biehttala juolludeames ruđaid Joddo-gealboguovddáža ásáheapmái Detnui.

Várrepresideanta Laila Susanne Vars vástida ahte lea váttis juolludit ruđaid nu guhká go váilu ohcamuš.

– Mun goit in leat oaidnán makkárge ohcamuša dien oktavuođas, ja árvalus bođii NSR bušeahttagieđahallama oktavuođas.

Bargan badjel logi jagi

Laila Susanne Vars på Sametingets talerstol
Foto: Sigve Nedredal / NRK

Varsa mielas livččii leat vuogas diehtit masa ruđat mannet ovdal go juolludit ruđaid Joddo gealboguovddáža ásaheapmái.

Bušeahtta meannudeami oktavuođas NSR árvalii 300.000 ruvnnu dán prošektii mainna Deanu gielda lea bargan badjel logi jagi.

Joddo gealboguovddážis galget ovddidit ja dokumenteret luossabivddu ja Deanu sámi kultuvrra.

Gielda ieš bidjan ruđa

NSR sámediggeáirrasTrond Are Antiu šálloša garrasit go Sámedikki eanetlohku biehttala juolludeames ruđaid dása:

– Dát lea dehálaš ásahus min gildii ja sámi servvodahkii. Gielda lea ieš bidjan juo 100 000 ruvnno dasa, ja bovden maid sámedikki searvat, muhto sámediggi ii searvan, dadjá Anti.

Sámedikki várrepresideanta bivdá deatnulaččaid ohcat sis ruđa.

– Lea doarjjastivra sámedikkis mii čohkká ruhtaseahka alde. Ja mii leat dál aitto mearridan sámedikkis ahte árbevirolaš máhttu galgá leat vuoruhuvvon suorgi doarjjastivrras. Trond Are Anti lea várra ieš leamaš maid fárus das, ja mun ávžžuhan sin ohcat vuos doarjaga, dadjá Vars.

Korte nyheter

  • Kontrabeskjed: E6 over Saltfjellet åpnet igjen

    Etter at fjellovergangen har vært stengt i flere timer mandag, melder Statens vegvesen at veien er åpnet for vanlig trafikk.

    Bilister advares fortsatt mot sterk vind, snøbyger og glatte kjøreforhold.

    Tidligere mandag opplyste Vegtrafikksentralen at fjellovergangen ble stengt til midnatt, men denne meldingen har nå endret seg.

    Minst én bil måtte ha hjelp av bilberger etter at den sterke vinden og de glatte kjøreforholdene gjorde at kjøretøyet havnet av veien.

    Enslig bil på vei over Saltfjellet.
    Foto: Staten vegvesen
  • Bážiiga bohcco ealgabivddus – dál leaba dubmejuvvon

    Guokte olgoriikalačča, geat bážiiga bohcco go leigga ealgabivddus máttasámis, leaba dál dubmejuvvon Staare (Östersundda) diggegottis Ruoŧas.

    Jämtlanddas (máttasámegillii: Jïemhte) dat leigga guokte olgoriikalaš albmá bivddus 2019:s, go gávnnahalaiga politiijaide.

    Biillas gávdne politiijat bohcco maid leigga báhčán. Dasa lassin lei biilavuoddji jugešvuođas vuodjimin, ja bissus ledje maid ain luođat.

    Soai čuoččuheigga ahte álggos navddiiga iežaska ealgga báhčán. Soai leigga fáhten ságaide iežaska báikkálaš bivdoustiba, ja son lei boahtán albmá guoktái veahkkin áimmahuššat bohcco.

    Ášši lea dál leamaš dikkis Jämtlanddas, ja buot golmmas leat dubmehallan.

    Olgoriikalačča guovttos čuoččuheigga dikkis ahte sii áigo dieđihit guovllu boazodoalliide áššis, muhto dása ii jáhkkán diggi. Albmát ledje earret eará sálttiid oastán.

    Diggegoddi oaivvilda ge ahte dás lea sáhka boazosuolavuođas, ja olgoriikalačča guovttos leaba goappašagat ožžon evttolaš duomu. Báikkálaš veahkki maid lea dubmejuvvon áššis, čállá SVT Sápmi.

    Tingretten Østersund
    Foto: Rune Kjær Valberg / NRK
  • Oktasaš e-girjerádju lea otne rahppon Suomas

    Suoma girjerádjosiid oktasaš e-girjerádju lea rahpasan otne.

    Ii oktage sámegieldda girjerádju leat das vel mielde.

    E-girjerádju bálvalus čohkke buot almmolaš girjerájuid digitálalaš materiála ovtta sadjái. Bálvalusa sáhttet geavahit dušše dat olbmot, geaid ruovttugielda lea searvan jo dasa.

    Oassi gielddain searvá mielde bálvalussii easkka boahtte jagi, dieđiha Yle Sápmi.

    E-bok
    Foto: Lars Tore Endresen / NRK