Hopp til innhold

Árvvoštallet mielduopmára bealátkeahtesvuođa

Les på norsk.

Šiehtadallamat Åajvaerie-áššis, gaskal Øyfjellet Wind ja Jillen-Njaarke orohaga eai leat boahtán johtui diggeášši vuosttaš beaivvis.

Øyfjellet Wind bivddii bealátvuođaárvvoštallama mielduopmáris (árvvoštallanrievttis gohčoduvvon árvvoštallanlahttun), Per Thomas Kuhmunenis.

Árvvoštallanláhttuin galgá leat viiddis máhttu dan fáttá birra mii gieđahallojuvvo dikkis, ja Kuhmunen lea Sáltoduoddara orohaga jođiheaddji.

Kuhmunen nammaduvvui árvvoštallanduopmárin guovvamánus 2022:is, muhto maŋŋel lea čuožžilan konsešuvdnaášši el-fápmolinjá birra, mii galgá huksejuvvot Sáltoduoddara orohahkii.

Øyfjellet Wind advokáhta ja stáhtaadvokáhta (mii lea mielde oasálašveahkkin áššái go lea stáhta mii lea addán konsešuvnna) háliidedje Kuhmunen bealátkeahtesvuohta árvvoštallojuvvot, danne go Øyfjellet-ášši boađus sáhttá dahkat presedeanssa konsešuvdnaáššái Sáltoduoddaris.

Soai čujuheigga maid Kuhmunen cealkámušaide maid lea sádden iežas ášši oktavuođas.

Jillen-Njaarke orohaga advokáhtat oaivvildedje ahte Kuhmunen ferte leat dohkálaš. Sii jerre iigo oktage boazodoalli, iežas ámmáha geažil, sáhte leat árvvoštallanlahttun árvvoštallanrievttis.

Advokáhta guovttos ákkastalaiga maid ahte Kuhmunena cealkámušat ledje oppalaččat ja dávistedje gustovaš hálddašeapmái, earret eará Stáhtahálddaheaddjis.

Riekti siđai bottu diibmu 12 rádjái buktit mearrádusa. Jus riekti árvvoštallá Kuhmunena bealálažžan, de ferte ođđa árvvoštallanmiellahttu válljejuvvot.

Korte nyheter

  • Nominert til Edvard-prisen

    Loga sámegillii.

    Den samiske artisten Elina Waage Mikalsen er nominert til årets Edvard-pris.

    – Så stas, skriver hun på Facebook.

    Mikalsen er nominert i kategorien Utfordrer med plata si Geardu gierdu - Bone Pieces.

    Det er TONO som deler ut prisen og vinnerne får trofé, diplom og 70.000 kroner.

    Viktor Bomstad og Elina Waage Mikalsen
    Foto: Dan Robert Larsen
  • Nammaduvvon Edvard-bálkkašupmái

    Les på norsk.

    Sámi artista Elina Waage Mikalsen lea nammaduvvon dán jagáš Edvard-bálkkašupmái.

    – Nu givvolas, čállá Mikalsen iežas facebooksiiddui.

    Son lea nammaduvvon hástaleaddji nammasaš kategoriijas iežas skearruin Geardu gierdu – Bone Pieces.

    Dat lea TONO gii juohká bálkkašumi ja vuoitit ožžot earret eará diploma ja 70.000 ruvnnu.

    Elina Waage Mikalsen
    Foto: Dan Robert Larsen / NRK