Hopp til innhold

Álbmotválljejuvvon politihkkárat Fovse-ášši birra

NRK čálii gieskat ahte Norgga Duopmáriidsearvvi mielas lea ráđđehus atnán beare guhkes áiggi čuovvolit Fovse-duomu, ja sii ballet ahte dat sáhttá čuohcat luohttámuššii riektestáhtii.

NRK lea jearran maid Stuorradikki politihkalaš bellodagat oaivvildit duopmáriid vuorjašumi birra.

– Mii vuordit ahte ráđđehus boahtá Stuorradiggái ja čilge movt sii háliidit sihkkarastit ahte olmmošvuoigatvuođat doahttaluvvojit Fovse-áššis, ja ahte jođánit gávdnet čovdosa, dadjá Ingvild Wetrhus Thorsvik, Gurutbellodaga stuorradiggeáirras.

Stáhtaministtar vástida Duopmáiidrsearvái ahte Oljo- ja energiijadepartemeanttas lei árrat oktavuohta bieggafápmofitnodagaiguin ja boazodoaluin, muhto ovddasvástádus sihkkarastit boazodoalu vuoigatvuođaid lea stáhta duohken.

– Mun sáhtán dáhkidit ahte mu ráđđehus dahká dan maid sáhttit gávdnat čovdosa dán hui váttes áššái, dadjá stáhtaministtar Jonas Gahr Støre (Bb) reivvestis.

– Lea áibbas dohkketmeahttun ahte ráđđehus guokte jagi maŋŋel duomu ii leat vel fuolahan ahte olmmošvuoigatvuođarihkkumat loahpahuvvojit, lohká Lars Haltbrekken, Sosialisttalaš gurutbellodaga stuorradiggeáirras.

– Áigegeavaheapmi lea šaddagoahtán stuora noađđin dán áššis, ja Ovddádusbellodat vuordá ahte ráđđehus jođánit buktá čovdosa, dadjá Terje Halleland, Ovddádusbellodaga energiijapolitihkalaš ovddasteaddji.


NRK lea maid jearran nuoraidbellodagain maid sii oaivvildit Fovse-ášši birra.
– Dál lea badjeláiggis ahte ráđđehus, gulahaladettiin guoskevaš boazodolliiguin, njulge boasttuvuođa riektan, dadjá AUF nubbijođiheaddji Gaute Skjervø.

– Jus šaddá presedeansan ahte eat čuovvul Alimusrievtti duomuid, de álgit mii sulastahttit riikkaid maiguin mii eat liiko buohtastahttit iežamet, dadjá Synnøve Kronen Snyen, Sosialisttalaš Nuoraid jođiheaddji.

Loga bellodagaid vástádusaid áššis.

Jonas Gahr Støre i Dubai
Foto: Truls Antonsen / NRK

Korte nyheter

  • Ođđa sámi násti popmáilmmis

    Bearjadaga njukčamánu 1. beaivve almmuha sápmelaš artista Lávre iežas vuosttaš skearru «Vuložat».

    Son vuttii gieskat Sami Music Awards «Rabas luohkká/lávllačálli», ja sutnje einnostit čuvges boahtteáiggi sihke sis- ja olgoriikkas.

    Vuosttaš skearrus son ovttastahttá sámi indiepop árbevirolaš luđiin, seammásgo son iská ođđa musihkalaš duvdosiid.

    Boahtun dás lea ođđaáigásaš jietnagovva, mii lea čáppat, álki áddet ja vuollegaš.

    Les på norsk

    Lávre Johan Eira
    Foto: Hildá Länsman / Pressebilde
  • Ny samisk stjerne på pophimmelen

    Fredag 1. mars slipper den samiske artisten Lávre sitt debutalbum «Vuložat».

    Som fersk vinner av Sami Music Awards i kategorien «Åpen klasse/låtskriver», er han spådd en lysende fremtid i både inn- og utland.

    I debutalbumet fusjonerer han samisk indiepop med tradisjonell joik, samtidig som han utforsker nye musikalske impulser.

    Resultatet er et moderne lydbilde, som er vakkert, jordnært og lavmælt.

    Loga sámegillii

    Lávre Johan Eira
    Foto: Hildá Länsman / Pressebilde
  • Áigot ovddidit sámi ealáhusaid

    Ráđđehus áigu dál ovddit ja nannet sámi ealáhusaid, ja lohpida áŋgiruššama iežaset bealis.

    – Mun lean álo beroštan sámi ealáhuseallimis, ja lean áibbas sihkar ahte gávdnojit buorit vejolašvuođat dan ovdánahttit.

    Nu dadjá ealáhus- ja guolástusministtar Jan Christian Vestre (Bb).

    Gaskavahku ovdanbuvttii son sámi ealáhusaid "geaidnokártta" Sápmi Business Conferences Guovdageainnus.

    – Dat mearkkaša ahte mii galgat loktet sámi ealáhuseallima.

    Danne leat Sámediggi ja Ealáhusdepartemeanta ráhkadišgoahtán offensiivvalaš plána mas leat ođđa doaibmabijut, čilge Vestre.

    Ealáhusministtar muitala ahte sii áigot bivdit árvalusaid sámi ealáhusolbmuin ja áigot moatti mánu geažes ovdanbuktit áigumušaid oktan doaibmabijuiguin.

    – Dás lea sáhka oažžut eanet sámi fitnodagaid, oažžut daid stuorrut ja sáhttit virgádit eanet olbmuid, vuovdit eambbo, njeaidigoahtit rádjahehttehusaid, álkibut fidnet kapitála ja gelbbolašvuođa, mearkagálvohuksema ja ollu eará, lohká son.

    – Lea go dál ruhta várrejuvvon ovddidit dáid doaibmabijuid?

    – Dan gal áiggun sihkkarastit. Mun oaivvildan ahte stáhta ferte váikkuhit eanet. Go leat nu olu gelddolaš prošeavttat jođus, mat gullet boazodollui, mátkeealáhusaide, borramuššii ja kultuvrii, duodjái, de mii fertet maid attestit lassiveahki viidáseappot beassat, ja midjiide gal lea diehttalas dan dahkat, dadjá ministtar.