NRK Meny

Áitet nealgudit kurdáriid

Tyrkia presideanta Tayyip Erdogan áitá nealgudit kurdáriid, maŋŋá go Iraka-beale kurdárat lágidedje iehčanasvuođa-jienasteami gieskat. Erdogan áitá gieldit guorbmebiillavuddjiid fievrridit borramuša kurdárguovlluide, ja áitá maiddái militearaveaga sáddet kurdárguovlluide. Tyrkia ii boađe goassige dohkkehit sierra kurdárlaš stáhta, cealká son. Vuosttaš máilmmisoađi maŋŋá, de juohkásii kurdáriid guovlu njealji riikii, muhto máŋga kurdára háliidit iehčanasvuođa. Maiddái Iraka presideanta áitá bissehit kurdáriid iehčanasvuođa-plánaid.