Piere Åhren (10) Gårmaste Sveerjesne jih Hilma Dunfjeld Mølnvik (9) Snåaseste dah gøøkte maanah Laara jih Læjsa, giejnie maanah-tvsne, åadtjode åahpenidh.
NRK Sápmi dihte, mij edtja daam maanah-tv vuesiehtidh. Daate maanah-tv sjeahta, maanide 4 jaepien-8 jaepien raajese.
Ij gielem åadtjh lieredh.
Bjørn Roger Nordfjell lea dihte aehtjebe Jåhha. Manne mahtam ånnetji saemiestidh. Buerebe gåarede paehperiste lohkedh jih nemhtie raajeste myjhtedh.
–Gåessie manne onne lim, dellie barre saemien gielem govlim naan aejkien buertien maadtegisnie. Im gåessie, jeatjah aejkien saemien gielem govlh, måjhta Nordfjell.
Daan biejjien pryøvie jijtje, sov maanide, saemien gielem lieredh.
Luste åehpies sjidtedh.
Piere Åhren vaadtsa daaroen skuvlesne, Gårmesne sveerjen bielesne. Saemien ietnien- gielem maana-baeleste åadtjome jih saemien gielem maaje -øøhpetimmiem tjirrh skuvlesne åådtje.
Hilma Dunfjeld Mølnvik Snåaseste, saemien ietnien- gielem åadtjome, jih dihte lea åarjel saemiej maana-giertesne orreme jih daelie åarjel saemiej skuvlesne lohkeminie. Dihte tuhtjie naa luste dorjedidh goh Læjsa.
–Jijnje vuertedh, gåessie edtjien mijjiem guvviedidh. Dellie visjehtovvem. Gaajh luste gidtjh aaj, meatan årrodh.
Daate lea vihkeles åarjel saemide jeahta voestes konsuleente saemien gielesne Kjell M Derås, Hint.
–Daate vihkeles åarjel saemide, åadtjoen saemien gielem tvsne govledh. Mijjieh dæjman Canadasne orreme, jih vuajneme guktie alkoealmetjh gielem øøhpedamme. Vihkeles gielem nuhtjedh jih raadijovesne jih tvsne gielem govledh, jeahta Derås.
Daate maanah-tv, Laara jih Læjsa, NRK Super kanaalesne seedtesovva, aalkoe biejjie, goevten 10.b.
Daate lea ektiebarkoe ,NRK Sapmi jih Hint jih TMM produksjon gaskem.
