Daate lea voestes aejkien NBR, åådtje daam staateministerem tjåanghkosne gaavnedidh. NBRen åvtehke Ellinor Jåma, håhkesje daate edtja buerien tjåanghkoe sjidtedh.
– Båatsoe jieleme, stoerre tjoeperh jih haestemh åtna. Båatsoe- laante ånnene, ov-juvre tjoepere, bovtselåhkoen sjïehtesjimmie, ruevtie-raajroen njeerveme jih dihte psykiske healsoe båatsoe saemide. Daate lea naakenijste dej støøremes aamhtsi gujmie, mejnie NBR daelie barka, Ellinor Jåma jeahta.
Stoerre buerie Staateministerem gaavnedidh.
Guktie daatne dåemedi jih åadtjedh, Staateministerem gaavnedidh.
– Voestemes prieviem tjeelim, daan mænngan Staateministerem Erna Sohlberg råakim gåassie dihte Stiegle jubileume, daan tjaktjen Oslosne lij. Dellie vihth jeehtim, sijtim gaavnedidh. Våhkan mænngan, prieviem åadtjoejim jih sæjhta mannem gaavnedidh. Idtjim vienth, daate tjåanghkoe daan tjaktjen sjïdti. Øøvre bååhperim, Jåma jeahta.
Mij vienth, daestie tjåangkoste sjædta?
Manne edtjem voestemes tjaalegem seedtedh. Gusnie tjaaleme gaajhkem, man bijre edtjem soptsestidh.Sijhtem Staateministere, Erna Sohlberg edtja båatsoe jielemen, tjoeperi bijre guarkedh.
Båatsoe jielemen håajpeme.
Stoerre haestemh fierhten biejjien båatsoe jielemissnie.
– Nøørje, lea laaken tjirrh gedtie-krievviem vaarjelamme. Mannasinie eah leah båatsoe jielemem vaarjelamme, Jåma ussjede. Tjuerieh gaervies biejedh, båatsoe jielemisse aaj, Jåma jeahta.
Stoerre dåajvoe åtnam.
Guhkiem dagkeres tjåanghkoem vuarteme.
– Håhkesjem, Staateministere guarkah. Dihte aaj buerien barkoem goh Tjïelteministere daarjoeji jih håhkesjem seamma barkoe vuekiem daelie åtna goh Staateministere, Jåma jeahta.
Nøørjen Båatsoe rijhkesiebrien åvtehke Ellinor Jåma edtja Staateministerem Erna Sohlberg raahkan 28 .b. gaavnedidh.