NRK Meny
Normal

Šlávvanuššat ja boahkkut

Gápmasat, náhkkebiergasat fertejit šlávvanuššat jos dat leat garrasat.

Gápmasat
Foto: Else Turi / NRK Sápmi

Dipmadit

Gápmasat, mat lea goavrragan čoahkkái, leat roaškas(at) dahje garrasat. Roaškkas lea eambbo go garas. Daid ferte galbmasa ovdii bidjat šlávvanuššat (dipmat) jogo galbma keallárii, olggos dahje olgovistái.

Boahkkudit

Go njuoska gápmasiid lea vuolahastán, de ferte daid diktit vuos boahkkut (veahá goikkihit) ovdalgo daid heŋge goikat. Jos daid heŋge ovdalgo bohkkot, de sáhttet vuolahasat láhppot.

Bohkkon gápmasat
Foto: Else Turi / NRK Sápmi

Vuolahastit

Vuolahasttedettiin lea deaŧalaš váruhit ahte ii bija gávu vuolahasaid go dat sáhttet ravgat eret. Ja jos gámas lea goikkis, de ferte dan láktadat ovdalgo vuolahastá.

Gáldu: Kirsten J. Gaup, Kárášjohka.