NRK Meny
Normal

– Unnán sámeáššiide

Sámediggeráđđelahttu Ann-Mari Thomassen lohká iežas beahtahallan go reviderejuvvon stáhtabušeahtas eai boahtán lasáhusat Sámediggái ja sámeáššiide.

Ann-Mari Thomassen
Foto: Dan Robert Larsen / NRK

Thomassen gal lei gáddán máttasámi musea, Saemien Sijte, livčče vuoruhuvvon vai huksen doppe sáhtášii álggahuvvot.

– Ii hirpmahuhte

Muhto Saemien Sijte direktevra, Birgitta Fossum, gal ii loga iežas nu sakka hirpmástuvvan go ruhtadeapmi ii ollašuvvan dál.

Birgitta Fossum
Foto: Kjell Roger Appfjell / NRK

– Mii eat leat gal hirpmahuvvan, muhto doaivvošeimmet dán čavčča stáhtabušehttii beassat nu ahte boahttejagi beasašeimmet álggahit huksema, lohká Fossum.

Divadat bissot

Eai badjeolbmot ge fidnen ovddádusa, go sidjiide ii dovddastuvvon divadiid haga skohter-, mohtorsihkkel- ja ATV-oastinvejolašvuohta.

Guovdageainnus fertejit maid vuorddašit ruhtadeami ođđa joatkkaskuvlla ja boazodoalloskuvlla vistái, go dán vuoru ii iđihuvvon sidjiide ge mihkkege.