Hopp til innhold

– Min eksisteansa sáhttá jávkat boahttevaš logi jagi siskkobealde

Les på norsk.

Odne rahppui ONa Eamiálbmotáššiid Bistevaš Foruma. Forumas deaivvadit eamiálbmogat miehtá máilmmi ságastit eamiálbmotgažaldagaid birra.

Dán jagi lea eareonoamaš fuomašupmi eamiálbmogiid rievtti iešmearridanvuoigatvuhtii ONa eamiálbmotdeklerašuvna oktavuođas.

Ráhpamis válljejuvvo Hinou Oumarou Ibrahim, gii gullá eamiálbmogii mbororo:i Chad:s, sáhkadoallin. Su ráhpansártnis son muitala ahte eamiálbmogat vásihit garra deattu.

– Lea ain guhkes mátki iešmearrideapmái. Iešmearrideapmi mearkkaša ahte mii leat dohkkehuvvon eamiálbmogin. Ja erenoamážit dál, min eksisteansa eamiálbmogin lea deattu vuolde. Min eksisteansa sáhttá jávkat boahttevaš logi jagi siskkobealde.

Ibrahim muitala maid ahte eamiálbmogiid iešmearrideapmi sáhttá leat ovdamunnin boahkaide, ja čilge ahte eamiálbmogiid árbemáhttu sáhttá čoavdit máilmmis ollu váttisvuođaid.

– Eamiálbmogat suodjalit min málmmi biologalaš máŋggabealatvuođa ja eatnamiid.

– Eamiálbmotriekti iešmearrideapmái ii leat áittá, muhto baicce bálggis midjiide buohkaide ovttas vázzit, lohká son.

Bilde av Hindou Oumarou Ibrahim.
Foto: AP

Korte nyheter

  • – Dat šaddá veadjemeahttun joatkit boazodoaluin

    Skuohtanjárgga siidii lea evttohuvvon guokte bieggafápmoprošeavtta hukset.

    NČE (Norgga čázádat- ja energiijadirektoráhta) mearridii odne ahte sii vuoruhit dáid prošeavttaid sáddet guorahallamii čakčat. Dat mearkkaša ahte Skuohtanjárggas soaitá šaddat bieggafápmorusttegat boahtteáiggis.

    Skuohtanjárgga siidda jođiheaddji, Johan Isak Eira, dadjá NRKii ahte dát lea hirbmat duođalaš sin siidii.

    – Dat šaddá veadjemeahttun joatkit boazodoaluin Skuohtanjárggas nu mo dat dál lea, dadjá Eira.

    Son lei vuordán buoret ođđasiid odne. Hammerfeasttas NČE hilgo buot fápmoprošeavttaid.

    Dál ferte siida bidjat searaid ákkastallat manin dát prošeavttat eai galgga huksejuvvot sin guovlluide.

    – Dohko ii leat sadji dákkár monsterindustriijaide ja dan mii fertet beassat čilget, dadjá Eira.

    Loga eambbo NČE vuoruhemiid birra dás.

    Johan Isak Eira
    Foto: Dan Robert Larsen / NRK
  • Vurdojuvvo šaddat 25 gráda

    Les på norsk.

    Boahttevaš beivviid galgá arvit Davvi-Norggas. Gaskavahku rievdá dálki ja dalle šaddet alla temperatuvrrat.

    Norlándda riddoguovlluin vurdojuvvo 22-23 gráda dán vahku loahpageahčen, ja Finnmárkkus ges lagabui 20 gráda.

    – Gaskavahkku eahkeda rájes šaddá hirbmat buorre dálki. Bearjadaga lea dieđihuvvon 25 gráda Nordlánddas ja Romssas, muitala meteorologa Iselin Skjervagen Meteorologalaš instituhtas.

    Romssas, Finnmárkkus ja davimus osiin Nordlánddas vurdojuvvo šaddat 25 gráda maiddái lávvardaga.

    (NTB)

    Strandnellik på Mjelle
  • Opp mot 25 grader i nord

    Loga sámegillii.

    Det vil være noen dager med regn fram til onsdag kveld i Nord-Norge. Resten av uken er det derimot meldt høye temperaturer.

    Langs kysten i Nordland er det forventet 22–23 grader mot slutten av uken, mens temperaturene i Finnmark blir nærmere 20 grader.

    – Fra onsdag kveld blir det strålende vær. På fredag er det faktisk meldt 25 grader i Nordland og Troms, forteller meteorolog Iselin Skjervagen i Meteorologisk institutt.

    I Tromsø, Finnmark og nordlige deler av Nordland ventes det temperaturer opp mot 25 grader også på lørdag.

    (NTB)

    Bugøynes
    Foto: Øyvind Berge Sæbjørnsen / NRK