NRK Meny
Normal

500.000 ruvnnu duodjeoaivádeaddjivirgái

Sámediggeráđđi juolluda dán jagi 500.000 ruvnnu Duodjeinstituhta bagadeaddjivirggiid bisuheapmái Gaska- ja Nuorta-Finnmárkkus.

Ann-Mari Thomassen, Inga Hermansen Hætta og Jan Ole Hermansen

Ann-Mari Thomassen, Inga Hermansen Hætta ja Jan Ole Hermansen hálešteamen ovttas.

Foto: Osvald Grønmo / Sámediggi

Sámediggi oaivvilda, ahte lea deahalaš doarjut Duodjeinstituhta mihttomeari ovddideamis ealáhusa mas árbevirolaš duodji lea vuođđun.

Duodjeinstituhtas lea gelbbolašvuohta, lanjat ja rusttegat maiguin sáhttet váikkuhit ahte šattašii qktiivvalaš áŋgiruššan duoji buktagiid ja buvttadeami ovddideamis.

Bagadeaddjit veahkehit duojáriid fágalaš rávvagiiguin, ságastallamiiguin ásahemiid oktavuođas ja eará duodjefágalaš gažaldagain.

– Sámedikki mihttomearrin lea váikkuhit duodjeealáhussii nu ahte šattašii eanet gánnáhahtti ealáhussan, mii jođiha iežasbuvttadan gálvvuid, ja danne lea deahalaš nannet Duodjeinstituhta barggu, lohká sámediggeráđđelahttu Ann-Mari Thomassen.