Harald Ulrik Sverdrup d. y. (1888-1957) fødd i Sogndal, busett i Oslo. Polarforskar, meteorolog og oseanograf.
Studerte under den kjende meteorologen professsor Vilhelm Bjerknes og vart seinare forskingsassistent hjå han i Oslo og seinare i Tyskland. Tok doktorgraden i 1917.
Var med som vitskapleg leiar på Roald Amundsen sitt sju år lange tokt i Arktis 1918-1925 med skipet "Maud". I 1926 gav han ut boka " Tre aar i isen med Maud".
Vart i 1926 professor i dynamisk meteorologi ved Geofysisk Institutt på Bergen Museum, og fekk i 1931 ei forskarstilling ved Chr. Michelsens Institutt.
I 1931 vart han vitskapeleg leiar i Hubert Wilkins sitt mislukka forsøk på å nå Nordpolen med ubåten "Nautilus".
Leia saman med svensken Hans W. Ahlmann ein norsk-svensk Spitsbergen-ekspedisjon.
Sverdrup var professor ved Scripps Institute of Onceanography, University og California 1936-1948. Saman med to andre forskarar gav han i 1942 ut "The Oceans, their fysics, chemistry and general biology". Dette verket vert sett på som oseanografiens internasjonale standardverk.
Vart i 1948 leiar for det nyskipa Norsk Polarinstitutt.
Sverdrup hadde ei rad tillitsverv i internasjonale forskingsorganisasjonar.
Son til
Johan Edvard Sverdrup og bror til språkforskar
Jakob Sverdrup d.y..