Han held fast på at han har gjort ein god jobb og håpar at det vil kome fram i høyringa som no pågår i Stortingets kontroll- og konstitusjonskomité.
Aller mest gler generalmajoren seg til å kunne legge saka bak seg og starte på juleferien.
VIDEO:
I mai sa Rosén til Dagsnytt at legedekninga for dei norske soldatane var så dårleg at han ikkje ville sendt sin eigen son til Afghanistan.
Reagerte på utsegn
- Eg reagerte på utsegnene som Rosén ga til Dagsnytt i mai, sa forsvarsminister Anne-Grete Strøm-Erichsen i høyringa i dag.
Forsvarssjef Sverre Diesen meinte at Rosén måtte gå frå jobben sin fordi han «ikkje leverte» den tenesta i Afghanistan som var påkrevd.
Men Rosén meiner han har gjort alt han kan for å få på plass nok legar for dei norske soldatane i Afghanistan.
Forsvarleg nok
Forsvarsministeren fekk gjentatte gonger spørsmål frå kontroll- og konstitusjonskomiteen sine medlemmer om legedekninga har vore forsvarleg nok.
- Legedekninga har vore forsvarleg. Vi har aldri vore utan legedekning i våre leirar. Den har vore tilfredsstillande, men me har også hatt problem med å skaffe nok folk, sa forsvarsministeren i dag.
Ho innrømma også at det har vore periodar der den kirurgiske dekninga ikkje har vore komplett.
Krev svar
Per-Kristian Foss frå Høgre seier han no krev svar frå forsvarsministeren på kvifor legedekninga har vore så dårleg.
Han er ikkje einig i at dekninga har vore forsvarleg, og meiner ministeren må svare for kvifor departementet først sette inn tiltak når saka vart omtala i media.
