Årsaka til at båten kantra ved kai er ikkje kjent.
Foto: Fredrik Hansen / NRK
Sandefjords Blad skriv at Gaia har velta over på sida, og ligg under vatn.
Foto: Fredrik Hansen / NRK
Ein mann som bur i ein båt like ved båtplassen til Gaia oppdaga tragedien i morgontimane tysdag.
Foto: Fredrik Hansen / NRKVikingskipet Gaia sokk ved kai i natt. Skipet er bygd av Sigurd Bjørkedal i Volda, og er ein kopi av Gokstadskipet. Båten er no eigd av Båtlaget Gaia, og dykkarar jobba i formiddag for å få ut om lag fem tonn med ballaststein.
Årsaka til at båten kantra ved kai er ikkje kjent.
Sandefjords Blad skriv at Gaia har velta over på sida, og ligg under vatn. Dykkarar frå Arne Rød & Co AS skal fjerne fire-fem tonn ballaststein som er om bord i båten. Deretter skal ein prøve å få båten på rett kjøl for å starte lensinga.
Ein mann som bur like ved oppdaga båten rundt klokka 05.00 tysdag morgon, opplyser Sandefjords Blad.
– Eg såg at det var noko som ikkje stemte. Masta titta opp. Då ringte eg umiddelbart leiaren i Båtlaget Gaia, seier Hermod Styrmo til Sandefjords Blad.
Skipet Gaia er bygd av Sigurd Bjørkedal og sønene Jakob, Ottar og Dag Inge i 1990 i Volda på Sunnmøre.
