– Eg er kjempefornøgd! Eg hadde ein litt dårleg førsterunde, så eg måtte jobbe meg inn, seier Ulset, framleis andpusten etter målplassering.
Etter ein litt tung førsterunde tok han seg godt inn. Dermed blei det klart at andreplassen var innan rekkevidde.
– Eg såg kor nær eg var, så då bestemte eg meg for at den skulle eg greie.
– Tok du ut alt?
Ja, no var det ikkje meir å gå på, smiler Ulset.
- Les også:
Trur på samanlagsiger
Denne veka møtest verdseliten i langrenn og skiskyting for handikappa i Surnadal. Sjølv i sesongavslutninga er det tett mellom kandidatane om ei topplassering i verdscupen samanlagt. Ulset er ein av favorittane.
– Trua på samanlagsiger er der, heilt klart. Men andreplassen i dag er nok viktig for å ha det innan rekkevidde.
– Heilt rått
Sjølv er Ulset særleg fornøgd med skytinga under løpet. Og ikkje minst er han fornøgd med drahjelpa frå heimepublikummet.
– Det er rett og slett heilt rått! Det er så artig å gå når du høyrer folk heie langs løypa. Det går ikkje an å ikkje ta seg ut når du har slike hjelparar.