Organisasjonssdirektør Sveinung Aune trur dette er det generelle biletet for dei fleste helseforetaka i Helse Midt.
- Vi har ikkje fullstendig oversikt over foretaka endå, men det vi kan sjå er at det er omfattande brot på overtidsreglane.
På grunn av tidlegare avsløringar i helsevesenet om brot på overtidsreglane, har Helse Midt-Norge no bede alle helseforetaka om å sende inn rapportar om overtidsbruk.
- Ikkje oppløftande
Helse Nordmøre og Romsdal sin rapport er klar, men resultatet er ikkje oppløftande. Her vart det rapportert inn eitt tusen brot i løpet av fjoråret.
- Det er veldig alvorleg at vi ikkje driv i samsvar med lova, seier Aune.
No skal dei begynne arbeidet som skal hindre at slike lovbrot skjer i framtida.
- Noko av det vi må gjere er å lage gode system som gir automatisk varsling ved brot på reglane. Vi har dette på somme område også i dag, men vi har ikkje fullstendig oversikt.
Sveinung Aune seier det må vere eit klart mål å få bort alle lovbrot.
- Noko anna er ikkje akseptabelt, og i løpet av eit år må vi ha alt dette på plass.