Syklisten som var utsett for ei trafikkulukke ved Overåsanden i Hjørungavåg blir frakta til Ålesund sjukehus. Skadane blir karakteriserte som moderate.
Vegen forbi ulukkesstaden ved Overåsanden i Hjørungavåg er stengd i samband med ulukka. Ambulansen er no komen fram og syklisten får behandling på staden. Trafikken kjem til å bli dirigert etter kvart, opplyser politiet.
Ved Overåsanden mellom Hareid og Hjørungavåg har ein bil og ein syklist kollidert. Politiet og ein ambulanse er på veg til staden. Det er førebels ikkje kjent om nokon blei skadd i samanstøyten.
