Stillinga endte 24-23 til Stord, i kampen som vart svært spanande mot slutten. Kristiansund venta tøff motstand og det vart det også. Stord toppar tabellen og Kristiansund måtte ha poeng for å vere med i kampen om førsteplassen.
– Det var ein heilt fantastisk kamp og eg er stolt av gutane. Dei presterte bra på den vanskelege bortebana, seier trenar Gunnar Magnusson.
Han er skuffa over at marginane ikkje var på deira side. Dei hadde sjansen til å utlikne og få med seg eit poeng i dei siste sekunda.
I fjor haust rykka Kristiansund Ballklubb opp til 1. divisjon i handball. Målet er at handballen skal ta steget opp til eliteserien, etter to år i 1. divisjon. Det er framleis fem kampar att, så sjansen er framleis til stades.
– Vi kjempar no om andreplassen, men vi er avhengig av at andre taper, seier Magnusson.
Falk-Horten må tape eit poeng for at Kristiansund skal ha eit håp.
Attståande kampar:
3. mars, 16.00: Kristiansund mot Vålerenga
6. mars, 18.30: Kolstad mot Kristiansund
13. mars, 16.30: Kristiansund mot Sandefjord Håndball
17. mars, 16.00: Halden Topphåndball mot Kristiansund
24. mars, 16.00: Kristiansund mot St. Hallvard