Stenger Kipervikgata i Ålesund for gjennomkøyring
Måndag 27. mai blir Kipervikgata i Ålesund stengt for gjennomkøyring. Dette skjer i samband med kollektivknutepunktet som byggast i Ålesund sentrum som ein del av Bypakka.
– I siste fase av kollektivknutepunktet skal det no leggast nye trasear for høgspent, i tillegg til vatn- og avløp. Arbeidet vil i hovudsak gå føre frå Posthuskrysset, innover Keiser Wilhelmsgate og i Kipervikgata, melder Møre og Romsdal fylkeskommune.
Når Kipervikgata blir stengt for gjennomkøyring må bilistar nytte Nelvikstredet for tilkomst til Harald Torsviks plass.
Tidleg i juni startar arbeid i Nelvikstredet, men biltrafikken kan passere som normalt. Langsgåande parkering på austsida av gata blir fjerna.