Kvinner i naud har hittil ikkje møtt ei stengd dør når dei har tatt kontakt med det interkommunale overgrepsmottaket i Ålesund. Men no truar Ålesund kommune med å nekte hjelp. For mange av sunnmørskommunane vil ikkje vere med på spleiselaget, og dermed sviktar økonomien.
Håper å få fleire med
Ålesundsrådmannen vil no ta kontakt med dei kommunane som har takka nei til å vere med på det interkommunale overgrepsmottaket. Håpet er å få dei til å delta:
- Det kan jo vere at kommunane trur dei ikkje har slike kommunar. Men det viser seg at bortimot samlege kommunar er representerte gjennom dei som har oppsøkt senteret, seier Dahl Grønnevet.
Rådmann
Foto: Aina Rødal / NRK45 saker på eitt år
Det interkommunale overgrepsmottaket i Ålesund blei opna 1. desember 2008, og så langt har ni kommunar vore med på spleiselaget. Fem har takka nei og tre har ikkje svart. Dette første driftsåret har mottaket hatt 45 saker, ifølgje rådmannen også saker frå samtlege av kommunane som har takka nei. Frå 15. november får berre kvinner frå deltakar-kommunane hjelp.
