Dei siste vekene har det gått tre steinsprang i sikringsområdet. Ingen menneske blei skadde, men noko av anleggsutstyret blei knust.
Synfaring
Geologar og representantar for entreprenøren var på synfaring i området tysdag denne veka. Konklusjonen var at det er svært utrygt å arbeide der fordi det ligg lause steinblokker ovanfor arbeidsstaden. Dessutan går vi no inn i ein periode der vi kan vente mykje nedbør som frys og tinar igjen, og det aukar faren for steinsprang.
Sikringsarbeidet blir ikkje teke opp att før det er trygt å sende anleggsfolk inn i området, og det vil tidlegast kunne skje i løpet av 2007. Alt utstyr som høyrer til anlegget skal no fraktast vekk.
Snøanker
Stavbrekkfonna kan vere opptil seks meter djup når ho lausnar. I fjor blei det montert 230 snøanker, som sikra 30-40 % av dei to områda der fonna lausnar, 1300 meter over havet. No i sommar gjekk det fleire snøskred som tok med seg mellom 30 og 40 snøanker. Ankera toler ei belastning på 40-50 tonn.