Det er optimisme i toppfotballen i Møre og Romsdal. I Ålesund er det serieopning om ei veke. Reidar Vågnes har vore trenar for Molde og sportsleg leiar for AaFK. Han har stor tru på begge laga.
- Topp 6 for begge lag
Reidar Vågnes har stor tru på at begge lag kan vere topp 6
Foto: Bernt Baltszersen / NRK- Eg har god tru på at begge laga kan bli topp seks - men då er eg litt optimistisk av natur, smiler Vågnes.
Molde, som serieopnar mot Sarpsborg alt på fredag, har Ole Gunnar Solskjær- det mest spennande namnet i årets Eliteserie- og Solskjær effekten vil kome.
- På lang sikt så er eg ikkje i tvil om dette. Skal du ha gode resultat så må du ha god tid, og Ole Gunnar er vel ein av dei som kan få tid.
Og Solskjær vil bygge opp eit miljø i Molde- han har god tid og kjem til å bruke alle spelarane i stallen ut over i sesongen.
- Vil ha ein samansveisa gjeng
Ole Gunnar Solskjær leitar etter eit komplett lag og ikkje berre ein første-elvar
Foto: Remi Sagen / NRK- Eg leitar ikkje etter ein første-elvar, eg leitar etter ein tropp og eit lag og ein samansveisa gjeng som kan stå saman. Spelarane skal utviklast og dei skal vite korleis vi skal spele fotball ilag.
Og Kjetil Rekdal som signerte ny kontrakt før helga er sikker på at laget hans kan utvikle seg mykje i åra som kjem.
- Spennande stall
Kjetil Rekdal meiner AaFK har ein av dei mest spennande spelarstallane
Foto: Bernt Baltszersen / NRK- Eg meiner at AaFK har ein av dei mest spennande spelarstallane i tippeligaen. Mange av spelarane er rundt 21-22 år og eindel av dei har erfaring. Viss vi greier å sette sammen eit lag og spelar ein type fotball som passar dei, så kan det bli mange salg herifrå og i åra framover.
I helga tok fotballsupporterar både i Molde og Ålesund innover seg at sesongen snart er i gang.
Etter Fredagens kick off og lørdagens siste treningskamp mot Molde er supporterane klare til årets Tippeligastart.
Stor optimisme blant supporterane
18.mars møter Molde Sarpsborg. Og sjølv om vinteren herjar, betyr det ingenting for fotballglade supporterar.
