Planen er å legge opp til eit tverrfagleg studium innan reiseliv som rettar seg mot å burke naturen. Vert tilbodet ein realitet vil studentane kunne få gradane bachelor og master innan reiseliv.
Generalsekretær Kristin Krohn Devold i Den Norske turistforening er med i styringsgruppa og ho har tru eit utandørs utdanningstilbod.
- Vi treng ei høgskuleutdanning som brukar naturen. Det er mange som har ønske om å bruke naturen i næringsverksemd og då treng vi utdanning, seier Devold.
Studentane skal veksle mellom uteliv i Sunnmørsfjella og i Hemsedal, og studiet fører fram til både bachelor- og mastergrad i reiseliv.
Kunnskap
I formiddag vart planane presentert av ordførar i Norddal, Arne Sandnes. Han seier heile reiselivet treng folk med meir kunnskap om naturen som vert vist fram til studentane.
Initiativtakarane har planar om at skulen skal bruke fjellområda i Hemsedal i Buskerud - og verdsarvområdet i Sunnmørsalpane som klasserom.
Langt fram
Viss planane vert realiserte vil studiet først vere oppe å gå i 2010. No skal det først skrivast ein søknad til Kunnskapsdepartementet og der etter skal det arbeidast for statleg finansiering av drifta.