Prisar for godt pressearbeid
Tilsette i Sunnmørsposten, Romsdals Budstikke og Møre-Nytt blei vinnarar av «Presseprisen for 2017», som i kveld blei delt ut på vårsamlinga til Norsk Journalistlag Møre og Romsdal. I kategorien «Beste nyheitssak» var det Sofie Svanes Flem og Torbjørn Eidhammer i Sunnmørsposten som fekk prisen, for sakene dei produserte kring Bingsa-skandalen i Ålesund. Romsdals Budstikke si sak «Den indre kampen» om psykisk helse blant fotballspelarar, forfatta av Pernille Huseby og Bjørn Brunvoll, vann kategorien «Beste Featuresak». Marit Heiene og Anita Vingen i same avis fekk heiderleg omtale for «Klima-serien» dei har laga. Fotoprisen gjekk til journalist Joachim Åsebø i Møre-Nytt, for fotografiet «Motbakkespesialisten».
