Det er fritt fram for seljarar som reklamerer for fyrverkeri i Møre og Romsdal. I dei største byane blir det reklamert med meterlange, fargerike banner, trass i at dette strir mot lova.
Bygningssjef Geir Aakvik i Kristiansund kommune vedgår at dei ikkje bryr seg med dette.
Strir mot lova
- Så langt har me ikkje oppfatta dette som eit større problem. Det er eit midlertidig tiltak, slik at me har ikkje valt å gjere noko så langt.
For både Kristiansund, Molde og Ålesund er prega av at det snart er nyttårsaftan.
- Les også:
Fleire stader er det hengt opp meterlange og fargerike banner som reklamerer for rakettar og fyrverkeri. Dette strir både mot plan- og bygningslova og kommunale skiltvedtekter, men ingen reagerer.
Du kan lese utdrag frå Molde og Ålesund sine vedtekter om skilt til høgre i artikkelen.
- Sidestiller oss med sirkus
Roy Petter Normann er distriktsrepresentant for Svea fyrverkeri for heile Nord-Noreg, Vestlandet og Innlandet. Han seier dei aldri har søkt om løyve til å hengje opp reklame.
- Me har sidestilt oss med sirkus som om sommaren reiser rundt, og driv intensiv marknadsføring på stolpar og liknande nokre dagar, seier han.
- Fyrverkerisalet om vinteren er på same måten. Det er nokre få intensive dagar før me er ferdige med det, fortel Normann.
I romjula forsvann store mengder fyrverkeri i Molde:
- Har praktisert slik i årevis
Bygningssjefen i Kristiansund stadfestar at dei aldri har fått ein søknad om løyve til å reklamere for fyrverkeri. Han trur ikkje kommunen kjem til å by seg med det i framtida.
- Det vil i så fall bli på bakgrunn av spørsmål frå politisk hald, at dei ynskjer at dette skal vere prioritert i større grad. Dette har vore praktisert slik i mange år, seier Aakvik.
- Les også: