Politiet ønskjer tips etter Moa-slagsmål

Politiet ber om fleire tips i samband med masseslagsmålet på Moa kjøpesenter i Ålesund sist fredag. Dei vil ha både vitneskildringar, bilete og videoar som kan ha blitt tekne opp på åstaden, skriv dei i ei pressemelding.

Slagsmålet inne på butikksenteret skal ha bakgrunn i ein konflikt mellom fleire involverte personar. Det oppstod lettare personskade i slagsmålet, og ein person blei arrestert og sikta i saka. Vedkommande er no sett fri. Det er også gitt fleire besøksforbod etter hendinga.

– Saka er under etterforsking og politiet held fram med vitneavhøyr og anna etterforsking, seier påtalejurist Anne Lisbeth Hjelle.