Forsvarar John Marius Dybvik, som representerer mannen, seier dei framleis er usamde i avgjerda til retten om 19 års fengsel. Dypvik seier det er av prinsipielt viktig å vurdere kor mykje strafferabatt mannen burde fått for å ha tilstått det meste. Både lagmannsretten og Høgsterett kom til at dommen i tingretten var korrekt, og at det ikkje er grunn til å vurdere saka på nytt.
Bistandsadvokat Lilli Marie Brimi seier det er godt at saka no er avslutta. Ho har representert barnet som faren er dømd for å ha forgripe seg mot.
– Det har vore ei stor belastning å vere fornærma i saka, det er berre ei stor lette å at saka er avslutta med dette resultatet, seier ho.
Høgsterett vil ikkje behandle på nytt den omfattande overgrepssaka mot ein mann på Nordmøre i 50-åra. Dermed blir ein av noregshistorias strengaste dommar ståande. Mannen blei i mai dømd i tingretten til 19 års fengsel for over 100 overgrep mot filipinske småjenter. Han varsla umiddelbart at han ville anke, men anken blei forkasta først av lagmannsretten og no også av Høgsterett. Mannen har vedgått det meste av det han var skulda for, men nektar framleis for å ha forgripe seg mot sitt eige barn.
Mannen i 50-åra blei dømd i Møre og Romsdal tingrett til 19 års fengsel, men varslar at han vil anke.
Mannen sin forsvarar meiner mannen må frifinnast for fleire av tiltalepunkta i den store overgrepssaka. Han meiner det ikkje kan bevisast at han har gjort det politiet meiner. Forsvararen seier det heller ikkje fins bevis for at han har forgripe seg mot barnet sitt. Mannen har vedgått dei fleste tiltalepunkta.
