Norwegian tilbake

- Vi vil få mykje høgare frekvens til Oslo over flyplassen her, og vi får eit lavprisselskap som folk kan nytte, så dette vil bety mykje for dei reisande over Vigra, seier Giske-ordførar Knut Støbakk.

- Spesielt no i fyrste omgang, legg han til.

Norwegian har også tidlegare vore på Vigra, men la ned etter om lag eit års drift i 2004. Denne gangen blir det tre avgangar dagleg frå Ålesund til Oslo.

Bjørn Kjos: - Vi var for "grøne"

SAS blir utfordra: Dumper prisen fra Vigra

Trur det blir varig

- Det er veldig positivt at vi no har to veldig gode flyselskap som konkurrerar til beste for kundane og for utviklinga av flyplassen, seier lufthamnsjef Tor Hånde.

Han håper at tilbodet vil vare lenger enn det gjorde sist Norwegian var på Vigra.

Tre daglege ruter med Norwegian: Norwegian på Vigra til hausten

Må bruke begge

- Eg trur Norwegian er eit heilt anna selskap no enn dei var for fire år sidan, seier Hånde.

- No trur eg dette blir eit varig tilbod, men det er klart at folk no må bruke både Norwegian og SAS, syns sjefen på Vigra.

Så gjenstår det å sjå om dei to selskapa greier seg i konkurransen denne gongen.