Norsk juletre kan bli mangelvare

Juletre av beste merke kan det bli mangel på meinar Edmund Meyer.

Med bortimot hundre mål juletreskog er han sjølv stor produsent, men dei er ikkje mange nok i bransjen til å dekke etterspørselen.

- Noreg har hatt ein for liten produksjon av juletre i mange, mange år, seier Edmund Meyer.

Han greier å produsere ein del sjølv, resten må han kjøpe inn.

- Tidleg i haust fekk eg vite at det var nesten umogleg å få tak i tre både i Noreg og i Danmark.

Meyer ser på treet som eit barn som treng omsorg. Det er mykje å passe på - og mykje å passe seg for.

Nærgåande hjort og rådyr er det blitt meir av med åra. Dei bryr seg ikkje om vanleg norsk gran, men er ute etter edle sortar.

- Skal du få fram dei edle sortane så er du nøydd til å ha eit gjerde som er minst to meter høgt slik at hjort og rådyr ikkje kjem inn på området.

Edmund Meyerved dyrkar juletre ved foten av Trollstigen. Dei får no stå og godtgjere seg til midten av desember.