Det seier Leif Magnus Sættem i miljøvernavdelinga ved Fylkesmannen i Møre og Romsdal.
Kokar av fisk
I går kom det fram at Sunndalsfjorden kokar av rømt oppdrettslaks.
Mange har fiska for harde livet for å få laksen opp av fjorden, men garnfiske er altså ikkje aktuelt. Dei er redde villaksen vil gå i garnet.
– Vi vil verne villaksen. Fisken som i går vart fiska i Sunndal var ung og umoden, og vil dermed ikkje gå opp i elvane og gyte, seier Sættem.
Tragisk
Store mengder rømd oppdrettslaks er dei siste dagane fiska heilt inn mot Sunndalsøra.
Leiar i jeger- og fiskerforeninga i fylket, Ole Furu, synest det er tragisk.
- Det er jo gale for dei som driv med oppdrett, men ikkje minst for elva her, seier Furu til NRK.
Har mistanke
Jan Erich Rønneberg, rådgjevar i Fiskeridirektoratet i Ålesund, seier dei har ein klar mistanke om kvar fisken kjem frå.
Dei har varsla det aktuelle anlegget, og dei prøver no å finne ut om det er hol i merdene.
Rønneberg vil ikkje oppgi kvar fisken kjem frå før dei er heilt sikre.