Fylkesmann Lodve Solhom har no ti kommunar som han må følgje nøye med når det gjeld økonomi. Hareid, Stranda og Midsund er dei tre siste kommunane som kom på lista.
– Ti kommunar er ti for mange, og eg fryktar det kjem fleire på denne lista i løpet av 2012, seier Lodve Solholm.
Fylkesmann Lodve Solholm
Foto: Håvard Ketil Sporsheim / NRKKontrollerte alle
I 2011 gjennomførte Fylkesmannen kontroll med alle dei 36 kommunane i Møre og Romsdal. Den viste at svært mange kommunar slit med økonomien, og at lånegjelda er for stor.
- Les også:
- Les også:
ROBEK-lista
Kommunar som ikkje greier å handtere lån og gjeld blir sett under administrasjon. Dei kjem på ROBEK-lista, noko som fører til at den økonomiske handlefridomen er svært avgrensa. Før desse kommunane kan ta opp nye lån må dette godkjennast av Fylkesmannen.
Kommunar på lista:
- Hareid (ny)
- Stranda (ny)
- Midsund (ny)
- Kristiansund
- Sande
- Ørsta
- Sykkylven
- Vestnes
- Fræna
- Gjemnes
Viktig med balanse
I løpet av våren får Fylkesmannen alle økonomiplanar og budsjett frå kommunane i fylket. Solholm seier mange kommunar vil få lågare inntekter i år, kombinert med auka utgifter. Dette byr på utfordringar.
– Mi oppmoding til kommunane er at dei tenkjer gjennom kva utgifter og inntekter dei har, slik at det blir balanse mellom desse, seier Solholm.
