Politiet fekk melding om at ein bil låg i sjøen onsdag ettermiddag klokka 14.37.
– Vi veit ikkje kva som er årsaka til at ho køyrde i elva i staden for å fortsette langs vegen, seier operasjonsleiar Jan Helge Kjøl. Staden der ho køyrde ut har ein høgdeforskjell på fire meter. Bilen hamna i elveosen ved Hammerkaia.
Tidens Krav skriv at utforkøyringa skjedde då kvinna skulle parkere bilen.
Kvinna i 70-åra frå Ålesund var åleine i bilen då ulukka skjedde og ho hadde låg fart.
– Ho vart tatt med av ambulanse for ein rutinesjekk, seier Kjøl.
