– Det blir ikkje så mykje betre enn det her, cupmeister i ein dårleg sesong. Det er vi veldig happy for, seier kaptein Magnus Wolff Eikrem.
Som resten av laget var han ikledd gullhatt – etter å ha løfta sin sjette pokal for MFK.
GULLHATTER: Magnus Wolff Eikrem fekk sin sjette gullhatt. Martin Linnes har flest i dette laget, med sju.
Foto: Roar Jonny Strøm / NRKFest
– Det var god stemning på flyet og blei ei øl på meg, fortel bodøværing og ny cupmeister Casper Øyvann.
– Kor mange øl får de lov til å drikke av Erling Moe i kveld, det er europacup mot Leverkusen på torsdag?
– Vi har ikkje høyrt om nokon grense, svarar kaptein Eikrem.
STEMNING: Bluss og hundrevis av supportarar møtte dei ferske cupmeistrane.
Foto: Webjørn Espeland / NRKMFK-trenar Erling Moe seier han gler seg til festen heime i Molde.
– Når vi vinn noko skal vi feire, men det blir sjølvsagt i ordna former, slik at vi er på jobb igjen på jobb igjen i morgon utpå dagen, seier MFK-trenar Erling Moe.
MFK-trenar Erling Moe jublar etter cup-sigeren.
Foto: Terje Pedersen / NTBPå menyen under seiersfesten står i alle fall buffé med laks, kylling, pastasalat og kjøtbollar.
Slik såg det ut da MFK kom heim med pokalen.
Seint sigersmål
Sigersmålet i cupfinalen mellom Molde og Bodø/Glimt kom rett før full tid.
Fredrik Gulbrandsen signerte målet – og utløyste fullt kok både på tribunane og i heimbyen Molde i vinterkvelden.
– Så deilig! Det sat så langt inne, men det var så deilig! Det var så spennande! jublar Merete Harstad på ein av utestadene i Molde laurdag kveld.
Ho sto i ein krok og turte knapt sjå på då Molde sikra seg cupgullet.
Merete Harstad torde nesten ikkje sjå på etter målet.
Foto: Webjørn Espeland / NRKVebjørn Hjelmseth var i tung gledesrus etter sigeren.
– Det er heilt fantastisk etter alt dette, det er så deilig! ropar han.
– Kva er mest stas: Den sjette kongepokalen til premieskapet på Aker stadion eller det blir europacup i Rosenes by også neste år?
– Begge deler, triumferer Hjelmseth mellom allsong og jubelrop.
Vebjørn Hjelmseth var ein av dei som feira sigeren i Molde laurdag kveld.
Foto: Roar Jonny Strøm / NRKFleire av dei feirande var glade for at cupfinalen i år var på ein laurdag.
– Surrealistisk, seier målscoraren
Molde FK vant altså sitt sjette NM-gull – og plass i Europaliga-kvaliken også neste sesong.
– Det å kome tilbake til Molde og Noreg og få oppleve dette – det er heilt surrealistisk og fantastisk, seier Fredrik Gulbrandsen til NRK rett etter kampens slutt.
Glade MFK-spelarar rett etter sigeren på Ullevaal laurdag kveld.
Foto: Arne Flatin / NRKRekorddyre Veton Berisha var også sentral på bana før det avgjerande målet.
Teatersjefen i Molde, Kristian Lykkeslet Strømskag, kommenterte laurdag kveld at summen som gjekk med til å sikre seg Berisha var verdt det.
Teatersjefen la ut denne posten laurdag kveld. Målet til MFK gjorde at Berishas gamle klubb Viking ikkje får prøve seg i Europa neste år.
Foto: Skjermdump