NRK Meny

– Det er kjedeleg og ein dårleg følelse

Det gjekk mot bortesiger for Hødd, men på overtid utlikna Vard Haugesund til 2–2.

Hødd-trenarane

Trenarduoen Lars Arne Nilsen (t.v.) og Sindre Eid måtte ta til takke med eitt poeng borte mot Vard Haugesund.

Foto: Arne Flatin / NRK

Artikkelen er flere år gammel.

– Det er heilt OK på 0-2, og vi har god kontroll. 1–2 kjem etter ein enkeltmannsprestasjon, før vi er sluttkøyrde og dei scorar på overtid, seier Hødd-trenar Lars Arne Nilsen til NRK etter kampen.

Franjo Tepuric

Franjo Tepuric scora i debuten for Hødd.

Foto: Hødd

Ville revansjere heimetap

På heimebane blei det tap 2–0 då Vard Haugesund kom på besøk i vår. Den kampen var Hødd ute etter å revansjere.

Og det såg tidleg positivt ut for blåtrøyene, for allereie etter 11 minutt kom 0–1. Hødd sin nye spiss, kroatiske Franjo Tepuric, fekk ballen på 17 meter og la Hødd-leiinga på flott vis over keeper Kenneth Nielsen.

Heimelaget var tamme, og Hødd styrte kampen i Haugesund. Etter 55 minutt scora Hødd sitt andre for kvelden, då Rune Ertsås heada inn 0–2.

Hødd såg ut til å ha full kontroll, men mot kampens spel reduserte Vard Haugesund til 1–2 ved Vetle Myhre i det 64. minutt. Scoringa blei banka i mål vakkert på volley.

Hødd har tidlegare slite med å hale i land sigrar på bortebane, og historia repeterte seg sjølv laurdag.

For på overtid, etter 91 minutt, kom Vard-utlikninga då Sanel Kapidžić la 2–2 bak Hødd-keeper Andreas Lie.

Dermed fekk Hødd aldri revansjert heimetapet frå i vår.

– Dårleg følelse

Hødd kom heim frå Kasakhstan etter europacup før i veka, og har både kamp og reising i føtene. Det kjennest, trur trenar Nilsen.

– Gutta er nok slitne etter mykje reising, så eg er fornøgd med at vi får med oss poeng på bortebane.

– Men vi burde hatt tre når vi leia 2–0. Det er kjedeleg og ein dårleg følelse når vi slepp inn på overtid, avsluttar Nilsen.

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.