Innbyggarane på fugleøya Runde har i 13 år vore med å støtta arbeidet til "Fadderbarnas Framtid" i India. Men no har dei fått med seg resten a kommunen til å bygge 46 nye mursteinshus og dermed totalrehabilitere urfolklandsbyen Rajmachi eller Herøy Village som den også vert kalla.
Dagleg leiar i organisasjonen, Lars-Johan Johnsen, seier dei er svært takksame for initiativet og at det gir gode bustadar til innbyggarane.
Til saman har innbyggarane på Runde gitt 250.000 kroner til organisasjonen sitt arbeid i India.