Ny sunnmørspolitimeister på plass

Hasseldal kjem frå jobben som politistasjonssjef i Agder politidistrikt, og blir med sine 40 år yngste politimeisteren i landet.

• LES OGSÅ: - Sjefen får det ikkje lett

- Dei fyrste dagane har vore fulle av nye inntrykk, og eg har blitt svært godt motteken, seier Hasseldal i følgje ei pressemelding frå Sunnmøre politidistrikt.

Sørlendingen har berre vore i Ålesund eit par gongar tidlegare, og skal no bruke tid på å gjere seg kjent med både distriktet og sine nye kolleger.

Hasseldal er opprinneleg frå Evje i Aust-Agder. Han vart i januar utnevnt til politimeister etter at tidlegare politimeister Arne S. Karoliussen gjekk av ved nyttår.