Seremonien vert leidd av residerande kapellan, Jens Terje Johnsen.
- Eg samarbeidar med familien no, for å få på plass alt, seier Johnsen.
- Vi lyttar til korleis familien har det, og korleis dei ser for seg at dette skal vere. Og så støttar vi opp om dette og skal gjere vårt for at dette skal verte ei verdfull stund, seier han.
Truleg full kyrkje
Herøy kyrkje har sitteplassar til 700 personar. Søndag var det 800 personar som deltok på minnestund.
- Vi veit ikkje kor mange som vil kome, men der er prosedyrer som gjer at det vert skaffa fleire sitteplassar viss det er behov. Vi skal ta i mot så mange det er forsvarleg å ha i kyrkja, seier Jens Terje Johnsen.
Også regjeringa vurderer om dei skal sende ein representant til gravferda på fredag.
Fleire gravferder og minnestunder
Laurdag 21. april vert det gravferd for Kjetil Rune Våge (31). Han vert gravlagd frå Sande kyrkje på Sandsøya.
Måndag 23. april vert Bjarte Grimstad (37) gravlagd frå Hareid kyrkje. Seinare i veka vert det minnestund i Hareid kyrkje for Frank Nygård (42).
Ronny Emblem (25), Tor Karl Sandø (54), begge frå Ålesund, og Søren Kroer (27) frå Danmark, får også eigne minnestunder.
