Mannen blei sendt med ambulanse sjukehuset i Volda, men skadane er tilsynelatande ikkje alvorlege.
I følgje politiet skjedde ulukka då mannen arbeidde med å opne gamle oljefat. Frå eitt av fata kom det mindre mengder ammoniakkgass.
Innsatsleiar Mads Pedersen kunne fredag ettermiddag ikkje seie mykje om detaljane.
– Det har vore ei arbeidsulukke, og vi har no gjort oss ferdige med undersøkingane i bygget. Så ønskjer vi etter kvart å snakke med personen som blei skadd, seier han til NRK.
Vil vere føre var
Operasjonsleiar Ole Bjørn Harang ved Sunnmøre politidistrikt seier dei er føre var når slike meldingar kjem.
– Det er viktig å ta slike meldingar på alvor, seier Harang og viser til ei lik hending i Ålesund i sist veke.
Fleire andre personar skal ha klaga på svie i auga og sår hals, som er symptom ein kan få etter å ha vore i kontakt med ammoniakk.
Bedrifta har i løpet av ettermiddagen sjølve reinsa staden. Saka blir ettforska av politiet og Arbeidstilsynet er varsla om hendinga.