Frostproblem for KBK

To veker før seriestart, kjempar Kristiansund ballklubb ein kamp – ikkje på, men under grasmatta. Frost gjer at dei no har fått utgifter på over hundre tusen kroner i spesialsalt og varmematter. Den fine vinteren har dermed skapt problem for klubben. – Det har vore klarvêr og lite nedbør, samtidig som det har vore kaldt, seier driftssjef i KBK, Truls Skar Helland. Han vedgår at dei ikkje er klar til å spele eliteseriekampar på grasmatta heilt enno, men garanterer at dei vil bli det. 12. mars skal Kristiansund BK etter planen ta imot Vålerenga på heimebane.