Brannvesenet kunne etter kort tid returnere etter at ei kvinne i 60-åra blei lettare skadd utanfor Øksendalstunnelen i Sunndal tysdag kveld.
Køyrde inn i vegvesenet sin bil
Tunnelen er open berre for kolonnekøyring, på grunn av utbetringsarbeid. Ifølgje politiet har kvinna stått i kø for å bli dirigert gjennom tunnelen, då ho køyrde inn i vegvesenet sin bil som sto parkert på staden.
– Vi veit ikkje kvifor ho køyrde inn i bilen, seier operasjonsleiar Siri Engdahl.
Det er ikkje mistanke om at kvinna var rusa.
Store skadar på bilane
Ifølgje politiet er det så store skadar på begge bilane, at det ikkje er råd å køyre dei derifrå. Dei blir difor taua vekk om kort tid.
– Vi usikre på kor stor fart ho hadde, det blir ein del av etterforskinga, seier Engdahl.
Kvinna er no køyrd til sjukehus for sjekk.