Det var fredag at tre unge personar frå Molde vart innlagt på sjukehus etter at dei vart dårlege av eit narkotisk stoff. Politiet har fått opplyst at personane trudde det var amfetamin dei tok.
I dag opplyser kommunikasjonsrådgiver i Helse Møre og Romsdal, Roland Mautseth, at alle dei tre personane er utskrivne frå sjukehus.
Det er framleis ukjent kva stoff det er dei har fått i seg.
– Når politiet tar beslag i narkotiske stoff, sender vi det inn til Kripos. Det vil ta ei tid før vi får svar på analysane, seier Sigvart Sivertsen. Han er operasjonsleiar ved Nordmøre og Romsdal politidistrikt.
Politiet frykta at fleire kan bli sjuke, og gjekk fredag ut og åtvarar folk.
– Vi har ikkje fått melding om fleire enn dei som vart rapportert inn i går, seier Sivertsen.