Omkring 70 møtte fram til eit folkemøte på Marstein måndag kveld. Noregs geologiske undersøking orienterte om faren for fjellskred i området. Til stades var også representantar for kommunen, fylket, Fylkesmannen, Naturskadefondet og Noregs vassdrags- og energidirektorat.
Faren for eit fjellskred frå Mannen på vestsida av Romsdalen blir vurdert som stor. Dei frammøtte måndag kveld fekk vite at det første steget blir å montere faste måleinstrument til sommaren. Dessutan blir det arbeidd for å få sett i gang permanent overvaking og beredskap frå 2010.
Prosjektleiar Halgeir Dahle i ROS ("Risiko og sårbarhetsanalyse for fjellskred i Møre og Romsdal") seier at situasjonen er svært alvorleg, kanskje den alvorlegaste i heile landet.
Kor stor er faren for fjellskred i dette området, og kva kan følgjene bli av eit skred? Les meir om det urolege fjellpartiet Mannen og Børa:
Les meir om ROS og faren for fjellskred: