Like før klokka 12 kom det melding om at naudetatane rykka ut til ein uavklart situasjon ved Fiskerstrand Verft i Sula kommune.
Test som gjekk gale
Dei første meldingane gjekk ut på at det skulle ha vore ein eksplosjon om bord i båten «Artic Pearl» som ligg til kai.
– Det var ikkje ein eksplosjon i ordets rette forstand. Her er det snakk om eit arbeidsuhell under ein test, seier Leif Arne Mork, operasjonsleiar i Møre og Romsdal politidistrikt.
Det viste seg at det gjekk gale då dei skulle gjere ei kontrollert trykktesting av røyr om bord. Røyret tolte ikkje trykket og det førte til eit kjempesmell.
– Det var ein del som ikkje tolte det den skulle. Det fekk ingen konsekvensar utover smellen, seier Magne Standal, administrerande direktør i Fiskerstrand Verft.
Nitrogen seiv ut
Det var gassen nitrogen som seiv ut av røyret.
– Det førte til ein stor smell. Industriverngruppa vår var raskt på plass og fekk kontroll på situasjonen. Naudetatane blei kontakta rutinemessig, seier Standal.
Røykdykkarar har målt gassnivået på båten. Situasjonen er avklart og det heile skal vore udramatisk.
Ingen skadd
Uhellet skjedde da dei tilsette hadde lunsjpause, og det var ikkje folk i nærleiken. Ingen blei skadd i uhellet. Politiet har avslutta arbeidet på staden.
– No fortsett arbeidsdagen, seier Standal.