Eksplosjon i Volda - to til sjukehus

To personar vart sende til sjukehus, melder politiet.

Brannstasjonen ligg i rådhuset i Volda sentrum, og store delar av Volda vart avsperra.

Flammar ut vindauga

Politiet fekk melding om eksplosjonen klokka 13.10 søndag, seier operasjonsleiar Audun Vartdal ved Sunnmøre politidistrikt til NRK Møre og Romsdal.

- Vi fekk melding om ein kraftig smell frå brannstasjonen, seier Vartdal.

– Fleire vindauge skulle ha blåse ut, og det kom røyk ut. Seinare fekk vi melding om at det var flammar ut gjennom vindauga.

- Det er uklart kva som har skjedd. Vi har innsatspersonell på staden, fortel operasjonsleiaren.

- Er andre personar skadde?

- Ikkje så vi veit.

- Veit de kva som er årsaka til eksplosjonen?

- Vi har høyrt ein del om kva som kan ha skjedd, men vil ikkje gå ut med det no, seier operasjonsleiar Audun Vartdal.