Det opplyser Per Åge Ferstad, operasjonsleiar ved Sunnmøre politidistrikt.
Det var like etter klokka 18. 30 at naudetatane rykka ut til Nedre Strandgate i Ålesund, etter at dei tok imot meldingar om at det var observert opne flammar i eit fråflytta hus på Aspøya.
Brannvesenet tok seg inn i bygget og henta ut ein person. Kvinna blei undersøkt av ambulansepersonell på staden og køyrd til sjukehus for nærare kontroll. Ho skal ikkje vere alvorleg skadd.
– Det var røyk inne i huset, og det bar preg av at ein eingongsgrill var nytta, seier Ferstad.
Andre gong på to veker
Seinast førre veke måtte brannvesenet rykke ut til den same adressa i Nedre strandgate. Då blei ei kvinne vist vekk frå staden etter at ho hadde tatt seg inn i bygget for å lage mat på ein eingongsgrill. Det er enno ikkje klart om det er ein samanheng mellom desse to episodane.